Page 12 - RDA
P. 12
GLENBERT CROES NA
PDVSA CITGO TECHNIP
POSTED ON MAY 23, 2017, 9:28 AM
3 MINS
POST VIEWS: 37
ORANJESTAD, Aruba
E era di privilegio na companianan liga na AVP manera PMEC y otronan lo yega na su fin. Nos ta
rechasa contundentemente e declaracionnan di Minister Richard Arends di AVP unda e la bisa cu lo
trece expertonan di afor, nos kier bisa Gabinete Mike Eman: aki 4 luna tin eleccion y nos pueblo lo
eligi un gobierno nobo cu lo pone un fin na e era di privilegio na companianan liga na AVP manera
PMEC y otronan.
Na e momentonan cu un delegacion grandi di Venezuela ta na caminda pa anuncia e continuidad di e
rehabilitacion di e refineria, e financiamiento di e refineria, e gas ducto y awor e inversion den e
planta di gas, nos kier notifica PDVSA CITGO cu den e gobierno nobo di MEP nan lo por conta cu
nos apoyo pa un ehecucion exitoso di e rehabilitacion di e refineria. Nos ta convenci cu lo no tin e
retrasonan indebido tumando luga den periodo di e gobierno nobo paso companianan liga na AVP cu
awor ta bringando pa nan tajada di e bolo poniendo en riesgo e ehecucion exitoso di e proyecto y su
inversionnan, e era di privilegio ey lo yega na su fin.
