Page 14 - WEB
P. 14
ORANJESTAD (AAN): Johnson’s Enterprises a reacciona pa mustra e habitantenan di
Parkietenbos, cu e sistema di kima sludge y pallet riba Serlimar Parkietenbos Landfill ta
cumpli cu regulacionnan Mericano di emision.
Algun medio a publica, cu e sistema cu Johnson’s Enterprises tin riba tereno di
Parkietenbos cu ta destina pa kima e “sludge”, lo ta haci dañonan na medio ambiente y
ta saca hopi polucion y cu esaki ta dañino pa pueblo.
E sistema di Air-burners cu ta usa e tecnologia di Air curtain ta cumpli cu e
regulacionnan di USEPA y USDA.
E compania local ta haciendo e trabao nan aki pa mas di 7 aña caba bow supervisión y
aprobación di DOW, SERLIMAR y DNM. E system ta worde considera como uno “ Carbon
Neutral ” y e gasnan cu ta sali for di e sistema ta “BioGenetic”.
E operacion di Johnson’s Enterprises ta pa deshaci di e “Sewage-sludge” cu ta worde
yamá “Cake”, cu ta worde produci na e planta di purificacion na Parkietenbos y tambe
di e paletnan cu ta subi riba e dump di Parkietenbos pa cual ta reduci e volumen mas
cu 90%. Nos kier pone énfasis cu Johnson’s Enterprises no ta responsable pa “medical-
waste” of kimamento di otro materialnan no organico manera tire etc, esey ta na
encargo di Serlimar.
