Page 19 - BNDIA ARUBA

a19
deporte internacional Diaranson 18 september 2019

Ekipo Italiano a scapa castigo pa abuso racial di Lukaku

Prohibicion di liga campeon di

Neymar reduci na dos wega ROMA (AP) — E ekipo Italiano Cagliari a evita castigo

di Serie A despues cu e siguidonan a dirigi abuso racial
contra e delantero di Inter de Milan, Romelu Lukaku.

Bo por a scucha e cantonan di macaco riba e video di e stand-
nan cu a ser comparti riba rednan social. E abuso a ser dirigi
na Lukaku, kende ta color scur, a anota un penalty den e vic-
toria di Inter na principio di e luna aki. E video riba rednan
social no tabata admisibel den e caso y e hues di liga Italiano
a dicidi diamars cu e pruebanan di polis no ta ser considera
suficiente pa asina castiga Cagliari.

E liga Italiano tampoco no a castiga Cagliari pa e abuso rac-
ista dirigi na Moise Kean, Blaise Matuidi y Sulley Muntari
na e ultimo temporada. Tambe e hues di liga no a menciona
e abuso racista denuncia contra mediocampista di AC Milan
Franck Kessie di parti di e siguidonan di Hellas Verona du-
rante fin di siman.

LAUSANNE, Switzerland (AP) — E prohibicion di
Neymar di e Champions League pa insulta e oficialnan
di partido riba red social a ser reduci diamars ultimo
na dos wega.
Tribunal di Arbitrahe deportivo a reduci suspension di tres
partido na minimo stipulado pa UEFA di weganan pa lengua-
he abusivo na un arbitro of assistent. E veridicto ta autorisa
Neymar pa hunga pa Paris Saint-Germain na Club Brugge
dia 22 di october.

Neymar ya keda prohibi pa e partido di PSG contra real Ma-
drid diaranson y di hunga den e Galatasaray aki dos siman.
UEFA a haya e delantero Brasileño culpabel di abuso den e
comentarionan di Instagram publica despues cu Manchester
United a elimina PSG dia 16 di maart ultimo. Neymar cu a
resulta herida y no a hunga, a publica comentarionan pro-
fano contra e funcionarionan di revision di video despues cu
United a ricibi un penalty decisivo pa tempo di detencion.

E prohibicion di dos wega ta den rango di medio di san-
cionnan previsa ora cu UEFA procesa e hungadonan pa pub-
licacionnan riba rednan social. Na 2015 un otro hungado di
PSG a ser suspendi pa tres wega pa comentarionan ofensivo
tocante un referee despues di weganan di Champions League
unda e tabata for di wega pa motibo e tabata lesiona. Serge
Aurier, cu awo ta hunga pa Tottenham, a publica un video riba
Facebook cu a provoca cu UEFA actua.

E defensa di Liverpool, Dejan Lovren a ser expulsa na januari
pa un wega clasificatorio pa e campeonato Europeo pa haci
comentarionan filma cu a burla di Spaña y a sugeri cu delib-
eradamente a duna Sergio Ramos un elleboog den e wega di
liga di Nacion.