Page 6 - ARUBA AIRLINES

na Corsou notificando di pagonan no regla pa uzo di espacio aereo. Parce cu esaki no ta

100% corecto. A haci un transferencia di banco pero pa motibo di cierto specificacion a

causa cu e pago a bin bek. Aruba Airlines a percura mesora pa regla e problema y como

tal e vuelonan di Aruba Airlines a sigui normal.

Algun dia pasa na Corsou a haya un birdstrike y esey a causa cierto problema pa e avion

cu mester a cambia motor. A hinca mesora e otro avion grandi den servicio riba e ruta y

asina a garantisa servicio optimal, hibando y treciendo tur pasahero entre e islanan Aruba,

Corsou y Boneiro. Tur esaki mientras e otro avion tabata haci cambio di motor.

Gerencia di Aruba Airlines ta lamenta cu DC-ANSP ta tuma un accion asina y saca

informacion sin informa Aruba Airlines mes, causando panico inecesario. Si a

notificanan cu e suma di pago no a drenta manera nan a spera, por a notifica Aruba

Airlines y asina e problema lo a wordo regla. Ta sali cu un publicacion y despues ta

yama. Esaki Aruba Airlines no ta kere ta e forna corecto pa maneha un situacion asina.

Ademas e suma no ta un suma cu den aviacion no por wordo paga.

Ya a transferi e suma awe mes pa regla parti di e debe. Ora confirma e prome

transferencia lo manda e di dos. Ningun vuelo a wordo afecta te na e momentonan aki. E

clientenan ta sigui haya e servicio di Aruba Airlines manera mester ta y cu un avion cu

tur hende ta gusta.

Pa loke ta e publicacion di Venezuela, por confirma cu esaki tambe Aruba Airlines a

atende y percura pa no afecta e servicionan local. Aviacion tin su riesgo y gerentenan di

Aruba Airlines cu nan experiencia ta percura pa sigui brinda e servicio cu tur hende ta

gusta y ta aprecia. Solamente e tipo di publicacionnan aki no ta contribui na nada