Page 15 - AWEMAINTA

AWEMainta Diabierna, 12 Mei 2017 15

PAR, MAN y PIN a firma

acuerdo di gobernacion

Eugene Rhuggenaath nombra Formador

WILLEMSTAD – Diarazon atardi despues di 5or
simpatisadornan di PAR, MAN y PIN a bin hunto
pa dal un paso hopi importante riba caminda pa
formacion di un Gobièrno nobo.
Tabata den un ambiente festivo na Kurá di Arte na
Pietermaai (ántes Albertus College), cu e lidernan
di partidonan PAR (Eugene Rhuggenaath) MAN
(Hensley Koeiman) y PIN (Suzy Camelia Romer) a
firma e acuerdo di gobernacion cu ta habri caminda pa
formacion di un Gobièrno nobo cu signatura di PAR.

Eugene Rhuggenaath ta indicá pa bira Formador,
loke a sosode ayera tambe, ora cu Gobernador Lucille
Wout a pidi’e pa tuma dicho encargo, pa finalmente
e bira e proximo Minister Presidènte.

E acuerdo aki lo ta válido di aña 2017 pa 2021 y
ta conta cu e total di 41 página, den cua a enfatisá
aspectonan manera enseñansa, formacion y combati-
mento di pobresa, pero tambe famia y comunidad,
economia y trabou, salubridad y medio ambiente,
Bon Gobernacion, Relacion den Reino, integridad,
structura estatal, comunicacion y informacion, VDC,
relacionnan exterior, refineria, labor, subsidio pa huur
di cas particular, edad di pensioen, turismo, sector
financiero y hopi otro punto mas.

E siguiente accion di importancia ta screening di
candidatonan pa Minister. Entre tanto a tuma lugar
ayera mainta huramentacion di Parlamentarionan
y entre e caranan nobo nos ta haya Gilbert Doran,
Wimbert Hato, Junior Millerson, Jeser el Ayoubi,
Gisette Seferina,
Tambe a drenta den e Parlamento nobo, despues di
un corto aucencia, Charles Cooper y Eugene Cleopa.