Page 23 - AWEMAINTA
P. 23
AWEMainta Diabierna, 12 Mei 2017 23
Departamento di Asunto
Social ta informa tocante su
servicionan Pariba di Brug
DEPARTAMENTO di Asunto Social (DAS) kier
informa e comunidad di Aruba, specialmente tur
esnan cu ta biba pariba di brug, di tur e servicionan
cu su oficina na San Nicolas ta brinda. E oficina di
DAS na San Nicolas ta hubika den e ex-edificio di
Centro Medico.
E servicionan di DAS na su oficina situa na San Nico-
las ta pa clientenan existente of nobo sea pa Bijstand,
Guia Social, Bida & Famia y/of Abogado Liber. Tur
cliente cu ta biba Pariba di brug lo mester acudi na
e oficina na San Nicolaas.
Servicio di bijstand
Tur cliente existente of cliente nobo cu mester di cual-
kier servicio y/of ayudo pa loke ta trata tur cos cu tin
di haber cu bijstand, cuminsando for di informacion/
pregunta, aplicacion, cita y/of entrega di rekisito.
Tur persona cu ta biba pariba di brug por haci esaki
libremente na DAS su oficina situa na San Nicolas.
Servicio di Guia Social
Cliente existente of cliente nobo cu ta desea ayudo pa
problemanan psico-social, relacional y problemanan
cu ta encera educacion pa cu mucha/hoben, por ricibi
guia di un trahador social of un trahador pa hubentud
na DAS su oficina situa na San Nicolas.
Pa pregunta of informacion riba e tereno social cu ta
encera sea un mucha/hoben, adulto of anciano, por
tuma contacto libremente cu e seccion na telefoon
528-1140 of 528-1130.
Servicio di Bida & Famia
Na DAS su oficina situa na San Nicolas tin un psi-
cologo presente pa esnan di pariba di brug cu mester
di un guia psicologico.
Pa mas informacion encuanto esaki por tuma con-
tacto libremente cu e seccion Bida & Famia na tele-
foon 528-1150.
Servicio Abogado Liber
Pa tur cliente existente of nobo cu mester di ayudo
huridico for di un abogado liber por acudi na DAS
su oficina situa na San Nicolas. Pero tuma bon nota
cu e servicio aki ta bay solamente a base di cita.
Pa mas informacion tocante esaki por yama libre-
mente na telefoon 528-1179 of 528-1128.
Number di telefoon central di nos oficina na
San Nicolas:
OPC San Nicolas: Edificio di ex Centro Medico,
Bernhardstraat 75, Tel: 528-1130, Fax: 584-1639.
DAS ta sumamente contento cu su servicio pa su
clientenan di pariba di brug y alabes ta pidi pa tuma
bon nota di e informacion aki.
