Page 139 - MIN VOS

Greg Williams: Ehercicionan ta dependiendo di edad y nivel
di fitness

Sunday, 09 April 2017 19:35
Comparti

Trainer profesional Greg Williams lo forma parti di e campaña di Stay Fit – Pay Less. Ayera Mediq
Pharmacies a lansa e campaña y esaki lo dura henter e luna di April.
Williams lo ta encarga pa yuda e clientenan participante durante nan ehercicio. “E lo bay depende di
nan edad. Mi ta bay na nan nivel di ta fit. Mi ta bay scoge e ehercicionan. Mi ta bay mira e persona su
edad, su nivel di fitness. Tin hende cu nan edad ta halto, pero nan nivel di fitness ta hopi bon”, e trainer
profesional a remarca. Mester mira con nan ta bay y ta scoge 1 minuut pa diferente ehercicio. Tin 10
ehercicio cu e clientenan por scoge pa nan haci. E ehercicionan ta Excercise bike; Skip ropes; Jumping
Jacks; High Knees; Medicine abs workout; Burpees; Mountain climbers; Flutter kicks; Squats y
Stationary run. “Semper prome cu un ehercicio bo mester stretch. Tambe mi lo puntra e persona si nan
tin problema di salud, pa bo sa si nan ta cansando hopi lihe of nan por mas. Si nan haya un dolor of algo
lo mester stop nan. No cu nos ta bay extremo, pero lo stop nan pa preveni”, asina Williams a remarca.