Page 37 - MIN VOS
P. 37
DR. RICHARD VISSER DI MEDIQ
PHARMACIES: “NOS TA MOTIVA PUBLICO
PA KEDA FIT CU CAMPAÑA STAY FIT – PAY
LESS”
April 10, 2017 adminarubanative Uncategorized Leave a comment
ORANJESTAD, Aruba – Ayera cu tabata Dia Mundial di Salud y Mediq Pharmacies
a lansa nan campaña di “Stay Fit – Pay Less” pa luna di April. Loke Mediq
Pharmacies ta haciendo ta motiva ciudadanonan pa cuminsa move of cu ta
moviendo caba pa bay na Botica Mediq Oduber pa haya un descuento basa riba
cuanto nan ta move.
Lo tin diferente ehercicio cu nan tin cu haci y cada un ehercicio ta 1 minuut,
asina Richard Visser a remarca. E participantenan ta acumula punto riba nan
factura y si nan cumpra algo menos cu Afl. 10,- nan ta hay’e gratis. Parti di e
fondonan ta bay pa Fundacion C.V.A Aruba. “E ta algo cu nos ta haciendo, pa
motiva hendenan, pa conscientisa hendenan cu mester move. Cu nan mester
haci ehercicio. Tambe lo bay bin deporte. Tur esaki atrobe pa tin un grupo di
hende hopi mas saludabel”, asina Richard Visser a remarca.
Semper den e boticanan di Mediq Pharmacies, nan ta bisa cu salud ta na prome
luga y esey ta loke nan ta pusha pe. Cu esaki Mediq Pharmacies ta innova y
mustra kico nan por haci pa trece ehercicio den e pacus mes. E campaña aki ta
pa tur hende, mucha y hende grandi. Hasta personanan cu no ta parti di Botica
Mediq Oduber por yega eynan y haci uzo di e campaña aki y bira un tiki fit.
