Page 51 - MIN VOS

Loke metal ta haci den

bo boca y kico e ta haci

pa bo curpa

Published on April 9, 2017 in Salud/SPLASH
ORANJESTAD,Aruba

Ministerio di Salud di Alemania, a bin ta adverti dentistanan for di 1993 pa no haci uzo
di e metal palladium, un tipo di koper, pa traha pidanan di dentadura. E material aki ta
fatal pa pashentnan cu tin alergia. E nikel den e plachi di djente por haci daño na e
curpa despues cu e haya reaccion di e palladium (paladio), cu ta pone e metal subi e
risico di enfermedad riba algun hende, por ehempel na riñon, higra, thyroide y cerebro.
Palladium/copper ta contene mas cu 10% di indium, gallium, zinc, tin y colbalto. E
prome sintomanan di toxicacion cu un persona por haya ta dolor na e djente, lenga tin
un sensacion cu ta kima, molester di friu na e djente y sabor di e metal den boca.
Molester di garganta manera infeccion. Tambe djentenan ta muri cu postema na dje. E
metal aki tambe por causa molester na e sistema nervioso, cansancio, confusion den
memoria, mareo migraine, kimamento di wowo y ta afecta e sistema immuun.

Un cantidad di sintoma debi na e metal palladium cu dentistanan ta uza como material
di sosten parcial di dentadura. Algun pais rond mundo a prohibi e sistema di metal pega
na dentadura y esaki ta e caso na Aruba tambe. Den e investigacion cu entrevista cu E
Arubiano a haci cu algun dentista y tambe esnan cu ta traha bao di e dentista cu ta
esnan cu ta traha e protesis a constata cu netamente AZV ta aproba parcele prothese,
dus esaki ta esun cu e HAK di hero cu ta sinta riba un djente cu ta bon. Sinembargo
esaki tin su consecuencia unda cu e hero lo keda afecta e djente y ta daña un otro
djente di e pashent. Tambe actualmente tin un otro tipo di posibilidad y otro tipo di
material duraflex cu ta hopi flexibel y no tin e parti metal pega na dje. Duraflex ta mustra
mas natural y ta fit confortabel den e boca y ta traha di un material thermoplastic
avansa y hopi light den peso y facil pa tene limpi. Duraflex ta un material cu ta keda
traha na Aruba mes, pero no ta keda aproba dor di AZV. Si un pashent ta desea un
protesis di Duraflex e mester paga esaki completo. Varios ta e gastonan cu AZV tin pa
cubri un material cu no ta duradero. Segun e dentistanan AZV kier baha costo y esaki
ta conduci na materialnan no di calidad, y a lo largo e ta costa AZV hopi mas.