Page 35 - HOH

ORANJESTAD (AAN): Luis Chung, director di GKMB (Gele Koorts en Muskieten
Bestrijding) a indica cu nan a constata e aña aki cu no tabata tin hopi criadero di
sangura na e casnan pesey tabata tin di haber cu e hecho cu tin hopi secura den e
ultimo lunanan.

Loke nan a constata ta cu rond di e casnan tin posibel criaderonan den bakinan di mata,
artefactonan, hemchinan, tirenan cu tin rond di e cas cu si awa cuminza yobe por forma
un problema, a bisa.

E controlnan di GKMB ta sigui na e casnan y ta purba di parti e trahadornan den
diferente bario y ta purba duna informacion pa loke ta e temporada aki di horcan pa
asina por tene cuenta cu e temporada di yobida, Chung a indica. Asina cu haya yobida

por haya problema cu sangura.

A agrega cu den cifranan, e index ta hopi abao pasobra no tin hopi criadero. Locual
mester tene cuenta cune ta e posibel criaderonan cu por bira un problema grandi asina

awacero cuminza cay.

A constata den algun bario cu ainda tin problema serio cu sangura y ta purbando di wak
unda e problema ta pa elimina esakinan y tambe pa informa e personanan concerni.

Aworaki e bario cu mas ta hayando atencion ta Santa Cruz unda tin un problema cu no
sa precis unda e ta. Ta pensa cu por ta un regenvak cu por ta no tin pisca aden, por ta
hendenan cu ta coi awa di airco unda un bari grandi di awa por ocasiona un problema

hopi grandi pa full un bario, e director di GKMB a remarca.

https://www.diario.aw/2019/06/santa-cruz-hayando-problema-cu-sangura/