Page 62 - MIN SOC

Den e proyecto carrousel e aña aki, Telefon pa Hubentud lo trata e topico di
peer pressure. Si wak e presion di grupo, ta algo cu ta wordo lubida. Kisas na
cas, e ta un mucha cu ta doe mee na un manera positivo, pero door di peer

pressure di un grupo di carnaval of amistadnan cu tin un otro tipo di
comportacion, e ta doe mee toch cu e grupo. Ta conoci cu e parti di carnaval,

bo ta doe mee cu e grupito, no solamente den uzo di droga of alcohol. Pero
tambe pa loke ta trata actividad sexual. Tambe con laat e mucha mester ta na

cas.
Bistimento, tanto pa mucha homber como mucha muhe, tambe ta hunga un rol

grandi den e manera con un hoben ta actua. Hopi biaha enfasis ta wordo poni
ariba e mucha muhe, pero no mester lubida cu e mucha homber tambe tin
responsabilidad pa actua na un manera positivo, pa ta un bon ehempel no pa su

mes so, pero tambe pa su comunidad.
Aña pasa, den e charla di Telefon pa Hubentud a duna tocante di peer pressure

a duna tipnan hopi facil pa sigui. Si haci un carrousel y bay hopi diep den
solamente den material, esaki ta bay perdi. E manera mas facil pa yega mas

cerca di e hoben, ya cu nan no kier sigui loke ta para den e material pero si bo
dun’e tipsnan con pa e comporta su mes den Carnaval y laga e peer pressure

bira menos, lo tin resultadonan mucho mas miho.
Un bon tips ta e dicho na Hulandes, hopi biaha aplicabel tambe na Aruba
:”Samen uit, samen thuis”. Si bo sali cu un grupo, bo ta bin bek cas cu e mesun

grupo.
Di antemano e hoben mester sa kico e kier haci, y kico e no kier haci. Bo

comportacion ta depende hopi biaha di e grupo cu ken bo ta cana. Personanan
cerca di bo, mester sa unda bo ta bay y cu ken bo ta bay. Asina e ta mas safe

tambe pa e hoben.
Telefoon pa Hubentud ta wak e resultadonan di e carrousel uno hopi positivo.

Despues di e charlanan, hopi ta e yamadanan cu ta drenta puntrando pa mas
tips. Uza e informacion cu Telefon pa Hubentud ta haya for di e propio
hobennan, y hinca esaki den e siguiente charla relaciona cu Carnaval. Asina Sr.

Sherman Milliard a finalisa bisando.