Page 45 - FDLP

E ganadornan di e torneo tabata lo siguiente. Na di tres luga pa kilahe overall, esta tur
tipo di pisca hunto, a keda e boto Tonino di capitan Leo Briesen cu 90.6 Kilo di pisca.
Na di dos luga a keda e boto Corka di capitan Roberto Geerman cu 113.1 Kilo y na
prome luga pa kilahe overall a keda e boto Kamel di Dano Carolina como capitan cu a

trece tera 117.6 Kilo di pisca.

GANADORNAN REY DI DJAMPOU:

E torneo pa busca e Rey di Djampou ta basa riba ken gara mas Kilo di Djampou. E
prome tres puestonan a bay como lo siguiente. Na di tres luga, cu 58.3 Kilo di Djampou
gara, e boto Cindy Annabel di capitan Nicolas Tromp. Na di dos luga, cu 58.6 Kilo di
djampou pisa, e boto Thalina di capitan George Werleman.

E rey di djampou pa 2019 a bay pa e conocido Dechi Bislip capitan di e boto Elizee cu a
pisca nada menos cu 79 Kilo di Djampou pa asina bay cu e corona.

Dechi ta conoci caba pa bay cu e corona y segun el a splica cu ya ta su di 3 of ta 4
biaha cu e ta bay cu e titulo, y di e forma ey ta retando di awor caba tur piscado pa
prepara pa kita e titulo di dje otro aña. Pabien na e rey di djampou 2019 Dechi Bislip.

Un publico grandi a pasa disfruta di e evento y tambe probecha pa cumpra pisca fresco
cu piscadonan tabata ofrece riba e dia aki. Comision organisador ta gradici na
Fundacion Centro di Pesca Hadicurari y tur esnan cu a contribui pa haci e evento aki
exitoso un biaha mas.

https://www.diario.aw/2019/03/piscadornan-a-yega-tera-cu-806-
kilo-di-pisca/