Page 16 - AWEMAINTA
P. 16
16 AWEMainta Diamars, 21 Maart 2017
Nos tin un solo Corte di Husticia Comun, pero
Vice Presidente mr. Mauritsz de
Kort lo no sirbi Corte na Aruba
Pasobra cada entidad tin su propio Corte
SIGUR tur Arubiano ta masha contento ora cu a tuma nota cu un yiu di tera,
den persona di mr. Mauritsz de Kort a keda nombra como Vice Presidente di
Corte di Husticia, pero manera menciona den e comunicado di prensa, pa Cor-
sou y Bonaire.
No ta ser haci mencion di su isla natal Aruba, loke a pone nos bay averigua di-
con esaki, siendo cu nos sa, ta un solo Corte di Husticia Comun tin, cu ta sirbi
Aruba, Corsou, St. Maarten y Islanan BES.
Nos a bin haya informacion cu como cu Aruba, Corsou, St. Maarten y Islanan
BES tin cada uno nan propio Corte di Prome Instancia, Corte di Husticia Comun
tin un solo Presidente, den persona si mr. E. Saleh, kende ta pa tur e islanan den
Reino Hulandes.
Cada pais di Reino Hulandes tin nan propio Huez, nan propio Corte di Prome
Instancia, pero nan a haya awor un Vice Presidente, cu ta pa Bonaire y Corsou.
Federacionnan Deportivo y invitadonan por pasa busca nan carchi di invitacion
Premio Excelencia
den Deporte 2016 na
Sportsubsidie Commissie
DIABIERNA 24 di maart awor pa 7or di anochi den e mahestuoso ballroom di Aruba
Marriot Resort and Stellaris Casino, Aruba lo conoce su Atletanan di Aña 2016.
E Comision organisador kier a gradici y felicita tur federacion cu un biaha mas a tuma
e logronan di nan atletanan na pecho y haci e esfuerzo pa manda nominacion p’e pre-
miacion.
Tur federacion cu a manda nominado pa Premio Excelencia den Deporte y e demas invita-
donan lo por pasa busca nan carchi(nan) den e dianan siguiente na oficina di Sportsubsidie
Commissie situa den Compleho Deportivo Guillermo Prospero Trinidad na Dakota.
E orarionan di oficina ta 8or di mainta pa 12or di merdia y 2or di
merdia pa 4.30 di atardi.
Por yama 582-5153 pa mas informacion.
