Page 13 - AWEMAINTA

AWEMainta Dialuna, 13 Februari 2017 13

Poniendo pacièntenan na peliger....

Vandalistanan

a hòrta y pluma

auto di dokter

na Sint Maarten

BELAIR- E dokter di cas, pero tambe ciudadano
preocupá dr. Frits Bus siman pasa a expresá su dis-
gusto riba e grado di criminalidad riba e isla ora cu
vandalistanan a kibra y pluma 5 auto den region di
Belair. Un di e autonan tabata di dr. Bus.
Ora el a yama 911 e no a haña reaccion, pero p’esey
e tin comprension, pasobra nan ta trahando bou di
condicionnan cu ta causa stress.
No tin basta Polis y no tin basta hèrmènt pa traha
cune.

The Daily Herald a entrevista e dòkter, kende a conta
cu e ladronnan a kibra su glas di pickup pa saca e
CD player, bateria y algun cos personal.
E pickup tabata stacioná bou di un pal’i lus dilanti di
su cas y tabatin alarma, pero cu no a funcioná.
Dos di e otro autonan e ladronnan a hòrta bateria.
Dr. Bus ta sospechá cu henter e racha di ladronicia
aki tabata cos di un gang, pasobra ta 5 auto nan a
kibra y hòrta den pareu.
E area tin cámera y mester chèc esaki.
Principalmente e dòkter ta preocupá cu e asunto di
crimen riba e isla, pasobra ta parce cu Polis no por
enfocá riba asuntonan manera ladronicia y kiebro,
pero mientrastanto e ladronnan ta haci manera nan
tin gana.

E dòkter ta comprondé cu Polis tin cu busca asesinon-
an cu ta cana liber, pero no por ignorá otro delitonan.
Dr. Bus a splica cu el a realisá cu nan a kibra su ve-
hiculo, el a yama Warda di Polis den careda di 8’or
di mainta y finalmente un hende a hisa telefon y a
bisé pa yama 911.

Esey ta number di emergencia y el a splica e persona
ne otro banda di liña cu e cos no ta un emergencia
sino un kiebro. El a yama 911 y eynan tabata pió:
Ningun hende ta hisa telefon.
E dòkter kier sa cu Sint Maarten ta Terser Mundu
ora Gobierno ta funcioná di e manera aki.

Sint Maarten ta un pais caminda si bo yama 911 bo
ta spera cu nan ta hisa telefon mesora.
Aña pasá nan a hòrta su motosaikel y ora el a yama
911 ningun hende a yama p’esey el a yama Warda
di Polis.

E tabatin critica riba e hecho cu Gobierno ta gasta
80 mil dòlar na dòrna pa Pascu, siendo cu mihor a
gasta e placa na combatí criminalidad.