Page 15 - AAA

“E re-encuentro Divas in Concert” di Chicas Gaiteras a trece
hopi recuerdo

Tuesday, 20 December 2016 17:33
Comparti

“El a trece hopi recuerdo, hopi memorianan di mi famia y specialmente el a trece e ambiente di Pasco cu
tanto mi tabata falta”, asina por lo menos un di e fanaticonan den Aruba Entertainment Center a duna di
conoce. Un publico grandi a atende e evento "Chicas Gaiteras, e re-encuentro Divas in Concert" diasabra
ultimo. E evento a bini despues di 13 aña cu e banda a haci nan ultimo presentacion hunto.

Ta trata di un solo concierto unda cu Chicas Gaiteras a duna oportunidad na mas hopi fans posibel pa
presencia e evento cu tabata yena di hopi ambiente y recuerdonan masha bunita mes. Den pasado,
Chicas Gaiteras a ricibi aplauso, muestranan di cariño y gradicimento y ta pa e motibo aki, cu Chicas
Gaiteras kier a haci algo bek pa comunidad y esunnan cu tin e tarea dificil di conscientisa, educa y
informa riba topiconan social. No tabata facil pa por a reuni tur e integrantenan ya cu tur tin nan
compromisonan familiar y profesional. A opta pa reuni cu integrantenan cu tabata forma parti di e grupo
pa e ultimo 2 añanan di existencia di e grupo, mirando cu ta 60 integrante e grupo aki a conta cune
durante su existencia. E grupo cu a toca, canta y baila diasabra tabata Gina Maduro, Enid, Nati, Helen
Guda, Junice, Lurena, Jeta, Mirta Maduro, Etliene, Mirella, Gislaine, Moira, Vinessa Kock, Irena,
Zusette, Niurca, Caroline, Marion, Nicole y Vivienne. Esunnan cu a haci e evento aki posibel sin duda
tabata Clickprint Aruba, Tele Aruba, High Performance, Marietje Printing, SETAR N.V.,Aruba Airlines y
Aruba Trading Company. Tur esaki sin lubida e sosten y apoyo di Marriott Stellaris Casino, N.V. ELMAR,
Dufry, El Gaucho, Tera Group N.V. y tambe na tur medio di comunicacion cu a habri nan porta
gratuitamente di curason y a aporta pa engrandece e evento y e aporte incondicional na algo asina bunita
di nos Cultura.