Page 11 - AWEMAINTA

AWEMainta Dialuna, 16 Januari 2017 11

Parlamentario Clarisca Velasquez (AVP):

Hopi contratistanan local

a haya trabao pa traha

riba Green Corridor

“DURANTE e update di DOW y tur otro partido
cu ta envolvi den e trabaonan di Green Corridor a haya
informacion rib’e subcontratistanan cu ta trahando rib’e
Green Corridor.
Y tur esnan cu ta biba pariba y ta core e ruta tur dia por
mira cu ta contratistanan local ta trahando riba Green
Corridor. Esaki ta duna satisfaccion, pasobra ta nos lo-
calnan ta haya trabao cu e proyecto aki”, Parlamentario
Velasquez a splica.

“Esey ta tuma masha na malo ora bo ta tende con MEP
ta critica e proyecto aki. Nan no ta realisa cu ta nos
hendenan cu ta traha pa nan pan tur dia rib’e proyecto
aki nan ta ofende.
Ta hopi contratistanan local ta trahando rib’e proyecto
aki di Green Corridor.
Tur dia nos tur cu ta biba pariba y cu ta observa cu ta
nos hendenan ta trahando rib’e proyecto aki ta yena nos
cu hopi satisfaccion cu nos hendenan ta haya trabao”, e
Parlamentario a expresa.

“Nos ta hopi orguyoso cu un proyecto asina grandi nos
mes hendenan ta trahando riba dj’e.
Y DOW a informa fraccion di AVP cu e trabaonan ta bay
bon y segun schedule apesar di e cantidad di awa cu a
yobe recientemente”, Parlamentario Velasquez a conclui.