Page 2 - AWEMAINTA
P. 2
2 AWEMainta Dialuna, 16 Januari 2017
PDR y Andin Bikker ta distancia nan mes di sr. Alonso Tromp
Despues cu Alonso Tromp NO a
haya siguransa di number riba
lista di POR, e kier bruha tera
FOR di 2016 sr. Alonso Tromp tabata e prome pa haci e asercamento pa sondea un
union di forsa entre sr. Otmar Oduber y sr. Andin Bikker.
Na november 2016 el a bolbe acerca y a reuni varios biaha cu conseheronan di Otmar
Oduber. Varios ruenion a tuma lugar na su cas y e texto di e protocol E Forsa Nobo
a wordo trata y conclui na su cas den presencia di sr. Otmar Oduber.
Despues cu e NO a haya un siguransa cu e tabata kier riba numerahe riba lista di
POR, no obstante cu desde 2013 e no a profila su mes den politica mas,
Alonso Tromp a rabia y dicidi di uni cu opositornan di PDR pa purba
bruha tera cu un wega di statuut.
El a lubida cu statuut ta wordo dirigi dor
di principionan di buena fe den cual
principionan ta ancra den articulo 17.
Ademas statutonan ta algo interno y semper por wordo adapta
na situacion nobo, cual lo bay tuma lugar tambe si ta necesario.
Te asina cu por a check sr. Tromp nunca aplica pa bira miem-
bro di PDR y nunca no paga contribucion tampoco!
Pesey pa medio di abogado a manda informa sr. Alonso
Tromp recordando e pakico a dicidi di bay un cooperacion
den e Plataforma Forsa Nobo, di cual e mes tabata un actor
principal y cu e no ta miembro di PDR y tampoco cu e no tin
ningun tipo di autoridad pa representa PDR.
Na mes momento ta tene personalmente responsabel tambe.
Ta di lamenta cu sr. Alonso Tromp visiblemente a cay den wega
di opositornan djis pasobra e no a haya su kier.
En todo caso serca PDR e no tin nada di busca y e no ta keri tampoco
y mas bien su presencia tabata wordo tolera desde cu na 2014 el a
agredi un candidato den sede di partido y a falta lider respet.
