Page 29 - AWEMAINTA

AWEMainta Dialuna, 16 Januari 2017 29

Prioridad ta totalmente robes OTMAR Oduber di plataforma politico POR ta indica cu e prioridadnan di

Inversion den educacion ta hopi inversion ta totalmente robes, e ta di opinion cu inversion den educacion ta

mas urgente awe cu un ringweg hopi mas importante cu un ringweg.
E ta bisa cu cierto momento mester fiha e prioridadnan pa comunidad y edu-
Segun Otmar Oduber acion ta un di esunnan mas importante, no solamente e parti di infrastructura,
pero tambe material y capital humano.
Ultimo calculacionnan ta indica cu mester inverti rond di 250 miyon den
enseñansa pa por haal in e deficit existente.

Enseñansa ta un prioridad pa E Forsa Nobo, POR, mirando cu e ta representa
e futuro di nos isla y nos desaroyo den tur aspecto. Pesey Oduber ta bisa cu e
construccion di un ringweg cu a warda pa basta aña caba no ta un necesidad
di bida of morto y por warda un poco mas y e placa destina pa e proyecto aki
por wordo destina pa enseñansa.

Papiando rib’e inversionnan den enseñansa, e ta bisa cu un parti importante
di dje mester ta enfoca riba e capital humano, riba e maestronan cu ta esencial
den e desaroyo di nos muchanan. Igualmente e parti di tecnologia na scol ta
hopi importante.
Simbolicamente kier mira cu pa aña 2021 no tin mas borchi cu krijt mas di-
lanti klas, sino borchinan electronico. Material pa alumnonan tambe mester
haya parti di e inversion necesario y e material aki mester bay den direccion
di tecnologia moderno.

Naturalmente e parti infrastructural no por keda afo. Tin hopi scol cu mester
wordo drecha of amplia y otro scolnan cu mester wordo traha, p. e. e MAVO,
HAVO, VWO na Noord.
Si tene na cuenta cu e ringweg lo costa mas di e 250 miyon cu ta necesario
pa haal in e deficit di nos enseñansa, Otmar Oduber ta bisa cu lo ta hopi mas
consciente si pone e prioridad riba loke ta representa e futuro di nos pais, e
futuro di nos hobennan, en bes di inverti esaki den un caretera cu por warda
un poco mas y no ta di vital importancia pa Aruba.

“Nos ta haci un apelacion na Gobierno pa para esaki y duna prioridad na nos
enseñansa”, Otmar Oduber di plataforma politico POR a conclui.