Page 8 - UTILITIES

Chofer no tabata tin ningun papel na ordo y pa colmo
brake fluid a caba y a bay dal riba un palo di lus na Hato

1 DIA PASA , 26 DI MAART 2017 06:36
SECCION: INCIDENTE

Diadomingo mainta a drenta informe di un accidente cu hende herida na e rotonde di Hato, mesora a
dirigi tanto polis como ambulans na e sitio. Na yegada di e patruya a bin compronde cu e chofer di e
Honda Odyssey tabata coriendo cu e vehiculo bayendo direccion pabao sin cu e tin e papelnan na ordo y
pa colmo e brake a bay y ora cu e tabata saliendo for di e rotonde e no por a controla e vehiculo mas esaki

a subi e isleta di separacion di e camindanan y a bay dal riba un palo di lus dobbel pa cual un banda a bay
cay riba e auto y a scheur parti di e windshield anto un of mas splinter di glas a bay herida e chofer su
wowo. Na yegada di e ambulans nan a nota cu enberdad e glas a bay den wowo di e chofer y a hib'e pa
hospital. Polis a confisca e vehiculo cual no tabata tin ningun papel na ordo.