Page 32 - ATA
P. 32
Soul Beach Music Festival a demonstra
su clase atrobe
Posted on 05/26/2019 7:04 pm AST | Updated on 05/26/2019 7:09 pm AST
ORANJESTAD – E fin di siman aki, e evento cu a domina na Aruba tabata e Soul Beach
Music Festival na Renaissance Festival Area y Harbour Arena. E comediantenan Aida
Rodriguez y Deon Cole a demonstra nan clase di comedia diabierna anochi den e prome
anochi di e festival mientras cu diasabra a sigui e concierto cu artistanan manera Charlie
Wilson y H.E.R, sigui pa diadomingo cu e artistanan Ella May y John Legend. Un total di
mas di 6 mil turista a bin Aruba specificamente pa e festival, y a yega Aruba for di dia 22
di mei y lo keda Aruba te por lo menos 29 di mei. Esaki ta possible pasobra e esaki ta e
conocido ‘memorial weekend’ unda cu dialuna awor ta un dia liber na Merca.
