Page 21 - MIN ARENDS

conferencia tabata e conclusionnan final di IMF despues di nan bishita di trabou na
Aruba.

Eman den su introduccion a informa: “Laga nos cuminsa bisa cu nos ta

sumamente contento cu e raport aki. Nos a yega di mira ‘statementnan’
diferente di IMF pa loke ta trata e retonan cu Aruba tabata confronta den
añanan despues di e crisis, caminda nos tabata tin un recesion economico

grandi, nos tabata tin deficitnan grandi, nos tabata tin preocupacionnan grandi.
Y awe IMF den su ‘statement’ ta duna di conoce su punto di bista riba

desaroyonan financiero, macro economico di Pais Aruba y tambe riba temanan
di durabilidad. Cada un ta positivo pa Aruba!”

Prome Eman a mustra riba tres punto di importancia for di IMF su

conclusionnan. E prome ta cu IMF ta remarca cu Aruba a sali for di un periodo di
recesion economico di 2015 y 2016. E instituto internacional ta premira un
crecemento economico pa Aruba na 2017 y e añanan nos dilanti. E di dos

remarca importante di IMF tin di haci cu e reduccion substancial di deficit di Pais
Aruba. “Nan ta bisa cu, compara cu aña 2014, ta mira cu gobierno a reduci e

deficit substancialmente y awe hasta ta papia di un surplus di e siguiente dos
añanan. Y esey ta algo cu, naturalmente, nos ta sumamente orguyoso di dje.”

E di tres punto cu IMF ta constata ta relaciona cu e efectonan negativo di

fondonan di AOV, APFA y e seguro medico di AZV riba finanzas di Pais Aruba.
Sr. Eman a splica cu ta, “algo cu durante e ultimo tempo nos a hinca hopi
energia den dje. A cuminsa den e prome periodo di gobernacion cu ne y nos a

sigui’e den e di dos periodo di gobernacion,” refieriendo na e reformanan di AOV
y APFA y tambe di AZV. El a sigui splica cu cada un di e fondonan aki tabata tin

un drenahe substancial riba e finanzas publico di Pais Aruba. “Y dor di e
reformanan cu nos a haci, nos a elimina e efectonan negativo cu e diferente

fondonan di pension aki tabata tin of por tabata tin pa e finanzas publico di Pais
Aruba y tambe locual nos a haci cu AZV a reduci grandemente tambe e

contribucion cu gobierno mester duna como Landsbijdrage na AZV.”