Page 9 - AHATA

Diahuebs, 20 December 2018 AWEMainta 5

Ayera, despues cu tabatin quorum atrobe

Ricardo Croes (RED) a bolbe “poes lief” den Parlamento

DESPUES cu MEP a obligu’e cu e no por biaha, no a keda Daphne

Lejuez nada otro di cancela su biahe pa Malta, Europa, unda e lo mester a
bay pasa dianan di fiesta cu su famia. Por bisa cu practicamente Daphne

Lejuez a ser baha for di avion y e pregunta cu ta surgi ta, kende lo paga e

clausula di boet, ora cu cambia bo pasashi.
Mientrastanto un dia despues di esaki, ata Ricardo Croes (RED) ta bolbe

poes-lief den Parlamento, manera e no a kibra un kopi, pero a perhudica

un colega Parlamentario den persona di Daphne Lejuez, kende lo trata di
biaha diabierne awor pa Europa.

Ricardo Croes, ora el a haya oportunidad di hiba palabra ayera den Par-

lamento, el a cuminsa na pidi disculpa pa a bira malo. Hopi observador
no ta kere esaki, pero Ricardo Croes kier a mustra cu mester tene cuenta

cune.
Ricardo Croes a (bolbe) cuminsa na acusa su opositornan di hunga wega

politico, pero t’e propio Croes a bisa cu e sa di hopi wega cu tin den Parla-

mento. Ta su persona a laga sa cu e por sinta ki banda cu e kier, esta unda
e ta sinta awor, of otro banda, esta di oposicion.

Tabata Minister Xiomara Ruiz Maduro a banda un mensahe duro, ale-

gando cu tratamento di presupuesto ta mas importante, cu discusion

riba cannabis. Pa un Parlamentario keda “hamer” riba uso di cannabis, y
atrobe ta kere cu e ta referi na Ricardo Croes, kende e ta lamenta di keda

riba e topico aki so, manera esey so ta importante.

Ayera den oranan di madruga

Algun bario a keda

sin suministro di awa

AYERA mainta, ora cu habitantenan di
Ayo, Cashero, Sero Pita y becindario,
a lanta a nota cu no tin awa. Ta for

di mainta tempran a constata cu tin un
fayo cual a conduci na interupcion di
suministro di awa den e barionan men-
ciona. Mesora e tecniconan di WEB

Aruba N.V. a sali y por a constata cu
nan a haci nan maximo esfuerso pa so-
luciona e fayo y recupera e suministro
di awa mas pronto posibel.

Despues di algun ora e situacion a
drecha substancialmente, maske cu al-
gun hende mester a baña mas laat cu
custumber. WEB Aruba N.V. a pdi nan

disculpa p’e inconvenencia causa.