Page 12 - FDLP

Diamars, 4 December 2018 AWEMainta 27

DIASABRA ultimo publico presente a experiencia un

anochi inolvidabel n’e celebracion cu famia di Barracu-

das Aruba a prepara p’e di 45o aniversario di “Synchro”
na Aruba (1973-2018). Solamente 144 persona taba-

tin e privilegio di a presencia e show magnifico aki, un
fundraiser dinner show completamente sold out. No tin

otro palabra pa describi e anochi aki, absolutamente es-

pectacular.

Barracudas Aruba a presenta e concepto di Cirque du

Soleil y a demostra no solamente nan talentonan como
atleta di landamento artistico, pero tambe como baila-

rin, combina cu movementonan acrobatico. Lema di

Barracudas Aruba ta: Hearts of Swimmers y Souls of
Dancers cual nan a duna bida na dje por completo du-

rante e anochi aki den un forma artistico, completo cu
efectonan di lus y trahenan briyante pa duna e efecto di

WOW.

E MC di e anochi tawata srta. Irina Croes, un ex-atleta y

un judge actual pa competencianan di Barracudas.
E anochi lo no tabata posibel sin e cooperacion imen-

so di Divi All Inclusive Aruba, cu a habri su portanan

pa e club mas cu 30 aña pasa. Barracudas ta dunando
shownan na Divi Hotel for di añanan 1984, deleitando

bishitantenan pa decadanan tras di lomba.

Y diasabra por a celebra nan 45 aniversario na “cas”
mes. Na prome lugar kier a gradici sr. Alex Nieuwmeijer

y e staff completo di Divi y en especial sr. Freddy Zedan

kende tabata envolvi di comienso te final pa yuda nos
haci e anochi aki uno inolvidabel pa tur presente.

Masha danki Alva Torres, Yami Romay, Nathania Taylor

y Greta Costa.

Un danki di curason na tur mayor cu a coopera 100%
p’e muchanan por asisti tur training den preparacion

p’e anochi aki. Un danki special na sra. Lila Henriquez
kende a percura p’e makeup exclusivo di nos atletanan.

“Saving the best for last”: un danki grandi na nos stre-

anan di e anochi, nos atletanan di chikito te grandi cu
a briya di comienso te final, den awa y pafo di awa,

demostrando nan talento y amor pa e deporte di landa-

mento artistico.
Na final di e anochi a sende laterna di deseo y lansa nan

den aire pidiendo asina como deseo p’e deporte di lan-

damento artistico sigui dilanti pa por lo menos 45 aña
mas. Pabien Barracudas Aruba!