Page 14 - FDLP

cu lo hunga den kwart final. E ekiponan cu lo competi den e kwart final ta Britannia, RCA,
La Fama y River Plate, cual competencia lo inicia diabierna 12 di April pa 8:00pm na
stadion Guillermo Prospero Trinidad na Dakota.

Despues cu e campeonato a cana tremendo, cana smooth, cana bon, segun Ing. Richard
Dijkhoff, Presidente di AVB, kende a compara e aña aki cu añanan anterior. A yega na 4
ekipo cu lo forma parti na e play-off. RCA y Britannia ta 2 ekipo cu tur aña ta den play-off, e

sorpresa di e aña aki ta La Fama cu despues di un par di aña luchando den e campeonato
femenino a logra yega play-off.

E federacion ta sumamente contento den e parti aki despues di hopi trabou. AVB sa cu no

ta facil pasobra futbol femenino ainda ta un reto na tur parti di mundo, pero e bentaha cu tin
na Aruba ta cu nos tin un campeonato consistiendo di 9 ekipo. Si compara esaki cu region,
nos campeonato ta bon organisa y ta bayendo den bon direccion. AVB ta contento cu ta

inicia e campeonato final di women’s football. E campeonato regular a yega na su final y
diabierna 12 di April e kwart final lo inicia entre Britannia cu a clasifica como number 1 y La
Fama como number 3.

Harvey Clement, lider di competencia y AVB ta invita e fanaticonan di futbol y Aruba henter

pa yega diabierna 12 di April na Compleho Deportivo Guillermo Trinidad y apoya e
damanan hungando futbol. Pa directiva di AVB, futbol damas ta hopi importante. E anochi

aki lo tin DJ animando den stadion. AVB ta invita fanatico di Britannia y La Fama pa yega
stadion pa apoya e damanan y tin un bon calidad di play-off. E di dos wega lo ta diasabra
dia 13 di April pa 8:00pm entre RCA y River Plate.