Page 14 - AM190713
P. 14
14 AWEMainta Diasabra, 13 juli 2019
Sra. Osyth Henriquez di “Ocean Villas”
Presentando propio diseño di “up
cycled bags” na su bishitantenan
RECIENTEMENTE “Ocean Villas” a haci varios di su
clientenan contento. Sra. Osyth Henriquez ta conoci pa
su arte den pintamento y su pasion pa loke ta naturalesa
y constantemente e ta pensa maneranan inovativo pa re-
usa material y re-inventa decoracion di su resort.
Bishitantenan di varios parti di mundo ta reserva nan
kamber na unda nan por haya tur trankilidad cu nan ta
anhela pe.
Nan ta keda masha impresiona cu e kambernan y e decor-
acion di esakinan y cada biaha tin cambionan hopi bunita.
Osyth Henriquez ta conoci pa su pinturanan tanto den
cuadranan como sjaalnan bunita, chandeliers y ta crea
semper un ambiente unico cu su decoracionnan original y
recyla. E ta stima naturalesa y pesey e ta encanta lama y
e trankilidad cu e ta trece cu ne. E tin hopi plan pa futuro
cu ta bon pa nos medio ambiente.
Sra. Osyth Henriquez ta conta cu na momento cu el a pone
cortina den e kambernan a resta material di e cortinanan
y el a haya inspiracion pa diseña tasnan cu no ta recy-
cla sino upcycled. Dus cu e restante di e paña di cortina
a traha tasnan hopi bunita cu el a presenta algun di su
turistanan.
Riba e potretnan por mira turistanan procedente di Mer-
ca como Alemania, Sandra y Claudia cu a bin di Alemania
y nan a goza di nan estadia, nan catering personal y nan
vakantie na Aruba den naturalesa.
Tambe Tasha di Connecticut, Merca a ricibi su tas unico
aki tambe for di Sra Osyth Henriquez.
