Page 61 - FDLP
P. 61
Xander Bogaerts (25)
Xander Bogaerts un biaha mas ta den World Series. Pero aworaki como un
hoben mas madura. Pa prome biaha dos hungado di team Oranje lo hunga den
World Series. Tanto Xander (25) pa Boston Red Sox y pitcher Kenley Jansen
(31) pa Los Angeles Dodgers.
Na comienso di e temporada aki Xander a yega Boston bek, den miho forma cu
nunca. Durante su vakantie riba su isla, el a zorg pa tene su curpa den
condicion, y come bon, pa asina e tin mas forsa den su curpa durante e
temporada. Y esaki el a logra, segun Peter Abraham, cu ta sigui Boston Red Sox
pa The Boston Globe desde 2010. Su bateo a bira mas fuerte. E ta mehorando
su averahe.
Durante e temporada regular, Xander a dal un total di 23 homerun. El a hunga
un rol importante den e miho temporada den e 107 aña di historia di Red Sox. E
ekipo a gana un total di 108 partido. Di e nuebe weganan den play off contra
nan rival di tur tempo, New York Yankees, y actual campeon Houston Astros,
nan a perde apenas dos partido.
