Page 34 - FDLP

ORANJESTAD (AAN) – Campeonato Heineken
fast pitch dedica na dos baluarte Jacobo Jansen y Gilbert “Nando” Maduro a continua
riba canchanan na Pos Chiquito.

Den categoria AA e fuerte equipo di Royal Power Tat Fat Home Depot a enfrenta
Celebrities un equipo cu a titular campeon den Aklas den 2018 y a promove pa AA.

Sinembargo Royal Power a baha hopi duro y ta knock out Celebrities 15-0 tras di un No
Hitter lansa pa Kelvin Silvania. Boxscore final Royal Power 15 careda, 12 hit, 3 error y
ta laga 5 coredor na base. Celebrities 0 careda, 0 hit, 4 error y tambe ta laga 5 coredor
den circulacion.

Mihor bateadornan pa Royal Power ta Gregory “Pilin” Krosendijk 2-2 cu 2 careda anota,
Edmar “Macho” Tromp 2-2 cu 2 careda anota mas 2 rbi incluyendo un doblete, Jomark
Flanegin y Kenny Hart ambos di 3-2 cu 2 rbi y un doblete cada un , Kelvin Silvania , Jair

Thompson y Leander Angela tur a bay di 2-1.

Kelvin Silvania ta enfrenta 14 bateador tirando 33 bola y 33 strike pa un total di 66
lansamento y no ta permiti ningun careda tampoko hit ponchando 4 bateador y ta

regala 4 base por bola seyando e victoria riba su nomber.

Jeremy Geerman ta bay cas cu e derota lansando 98 lansamento permitiendo 15 careda
di cual 13 ta limpi tras di 12 hit y ta regala 5 base por bola. Campeonato ta continua

dialuna awor pa 8 pm na Pos Chiquito unda Royal Power ta enfrenta Macuarima Spark
Elektra cual ta mustra di ta bay ta un tremendo wega.