Page 49 - FDLP
P. 49
Vierdaagse di Nijmegen a cuminsa cu
participacion di Arubianonan
Posted on 07/16/2019 11:15 am AST | Updated on 07/16/2019 11:16 am AST
NIJMEGEN – E evento internacionalmente popular na Nijmegen, Hulanda, esta e
Vierdaagse, a cuminsa diamars cu mas di 40 mil participante. Aruba tin por lo menos 5
persona cu ta participando, y mayoria di nan ta forma parti di cuerpo di douane. Aña pasa
tabatin un participante cu a represanta Fundacion Zinnia. Casi 3 mil hende cu a inscribi,
finalmente no a aparece, cu ta pone e cantidad di participante na 44.000. Esun mas hoben
ta un mucha muher di 11 aña y esun mas bieu ta un homber di 92. No tur hende ta cana e
mesun ruta. Ta depende di nan edad, por cana sea 30, 40 of 50 kilometer. Tin tambe 5900
militar cu ta cana hunto. Esnan cu ta cana ‘carga cu material’ ta cana 40 kilometer y no
esun maximo di 50.
