Page 2 - MIN ECEM 23 FEB, 2017
P. 2
Museo Arqueologico lo ta cera temporalmente pa trabounan
di mantencion
Thursday, 23 February 2017 15:42
Comparti
Museo Arqueologico Nacional Aruba (MANA), situa na Schelpstraat 42, lo cera su salanan di exposicion
pa publico, cuminsando Diamars dia 28 di Februari proximo, pa asina haci algun trabou di mantencion.
Entre otro e compania Aruba Climate Control (ACC) lo optimalisa e sistema di ‘airconditioning’.
Den e mesun periodo lo ehecuta algun otro trabou pa asina haci e bishita na Museo Arqueologico uno
mas agradabel pa e bishitante. Pa motibonan di siguridad a dicidi pa cera porta di Museo pa algun
tempo, pa asina e trabounan cu ta rekeri entre otro machin, stellage y otro equipo, por ser haci sin cu
esaki ta forma un peliger pa e bishitante. Asina por haci e trabounan mas liher pa pronto habri nos
Museo bek. Encarecidamente Museo Arqueologico ta pidi comprension pa e situacion aki, cual ta haci cu
e salanan di exposicion no lo ta accesibel durante e periodo aki. Nos disculpa pa e inconveniencia. Museo
Arqueologico ta hopi agradeci na Ministerio di Cultura pa pone e fondonan necesario disponibel pa un
sistema di airco nobo.
Den e periodo aki lo percura pa duna algun presentacion interesante, como tambe lo forma parti di algun
otro exposicion na otro localidad. Asina ta keda duna e servicio na publico di informacion tocante nos
herencia cultural arkeologico. Keda pendiente pa mas informacion riba nos paginanan di facebook:
Nacional Archaeological Museum Aruba y Archeo Aruba. Lo sigui comunica den prensa tocante e
actividadnan di Museo.
http://www.24ora.com/index.php?option=com_content&view=article&id=119044:museo-arqueologico-
lo-ta-cera-temporalmente-pa-trabounan-di-mantencion&catid=38:resultado-di-number&Itemid=60
