Page 41 - MIN ECEM

7 aña ta warda reunion cu gobierno: Chauffeurnan di tourbus
contento di a reuni cu Minister Mike de Meza

Wednesday, 17 May 2017 21:58
Comparti

Egmond Kock ta chauffeur di T&O. E tabata un di e chauffeurnan di tour cu a reuni cu minister
di Transporte, minister Mike de Meza, y tambe director di DTP, sr. Ketteldijk, na San Nicolas.
E reunion a bay hopi bon., Nan por a aclarea y discuti y presenta e dificultadnan cu nan ta pasa
aden, buscando un miho pa nan tur. Nan tambe kier parti di bolo, pa loke ta bin di turista.
Durante di reunion, a expresa cu nan tabata kier un reunion cu minister y por fin, cu minister
Mike de Meza nan a logra esaki. Esaki a presenta siman pasa door di sr. Juancho y sr. Kock, cu a
contact cu un di e trahadonan di minister, pa por a yega na e solucion aki.
E chauffeurnan ta sinti cu e feedback di minister de Meza tabata hopi bon, sinembargo e ta
buscando un solucion no solamente pa nan so, pero pa tur esnan cu ta trahando pe, esta taxi,
auto bus y tambe e tour operatornan y ongeregeld vervoer.
Casi 7 aña ta warda pa un reunion
Segun Roland Paskel, nan a keda warda casi 7 aña pa un reunion cu minister pa regla un cu
otro. Prijs di coremento pa beach. Algun tempo pasa a saca den prensa cu e tourbusnan ta e
enemigonan. Nan kier papia pa splica cu esey no ta asina. Nan ta simplemente duna un servicio
y pa nan por regla un ke otro pa nan por regla un ke otro y pa e servicio bira miho.

Pa loke ta e reaccion di e minister, el a bisa cu e ta bay haci tur posibel pa loke e chauffeurnan di tourbus a trece
dilanti. Pa e por wak con lihe con e lo por drecha nan, pone nan cana y pa nan traha den un manera mas ameno.
Nan como tour operator ta traha solamente 5 pa 6 luna pa aña y e resto no tin crucero. E ta bira hopi menos pa
nan. Den e sentido ey ta pidiendo cooperacion pa nan por haya mas flexibilidad pa nan pa nan por sigui existi.