Page 52 - MIN ECEM

Operadornan di Tour a considera e reunion cu minister Mike
de Meza uno interesante

Wednesday, 17 May 2017 22:03
Comparti

Julio Croes tambe ta chauffeur di un tourbus y tabata tey na e reunion cu Minister de Meza y
tambe sr. Ketteldijk di DTP. E reunion a bay den un forma hopi amabel y bon

, cu hopi punto a bin dilanti. Hopi cos mester a wordo poni riba e punto cu nan no tabata di
acuerdo cun’e. E ta spera cu por yega na un areglo pa e tour operatornan pafo. Na waf pafo,
nan ta e ultimo seftanan cu ta sali for di e cruceronan. E touroperatornan T&O Pafo, ta e
ultimonan cu ta haya e hendenan cu ta baha for di barco. Nan solamente nan ta traha 7 luna of
6 luna pa aña. E high season di crucero ta bin di October pa April. Tin cu kita e dianan cu no tin
barco. Di Mei pa Septamber ta traha di 8 dia pa luna. Nan tambe tin nan gastonan di bus y
seguro, cual ta haltisimo. Nan tin cu paga nan AOV, nan AZV pa nan hulpchauffeurnan, cu ta un
otro gasto riba nan. Pero si nan ta lora cu e turistanan, pa bende Aruba, pasobra esey ta e
meta. Nan ta bende Aruba pa e turistanan bin bek. Ora nan bin bek, nan como touroperator no
ta haya nan bek. Ora cu nan haya bek, ta ora nan hiba nan restaurant of aeropuerto. E servicio
cu nan ta duna prome biaha, ta tremendo. Nan ta wordo pidi ora cu tin famianan grandi, pa
buscanan na hotel pa hiba nan unda nan kier bay. Pero pa island tour di hotel pa cualkier
tienda of bay otro cos, nan ta uza e servicio di taxi e ora.

Croes a splica cu a duna e minister y director di DTP nan punto di bista pa evalua. Y e ta spera
cu nan por bin cu un solucion pa e tour operatornan pafo.

Pendiente pa mas encuentro

Remigio Irausquin a splica cu e tabata contento di tey na e reunion. E ta haya cu e reunion
tabata tin su partinan interesante. Cos cu por wordo drecha. Ta spera cu minister Mike de
Meza bay den su mesa y sinta cu esunnan cu tin cu sinta cun’e y bin cu solucionnan cu ta spera
di dje. Irausquin asinti cu durante e anochi di reunion, nan a haya oido. Te asina leu lo bay tin
un otro reunion, pero no sa ki dia esey lo pasa. E intercambionan aki mester ta mas regula pa
keda na altura kico ta pasando pa asina busca solucion pa e problemanan cu tin ta andando.