Page 9 - MIN ECEM

Contrario na loke a keda publica den algun media, no tin
cargo extra contra Minister Croes

Thursday, 18 May 2017 08:16
Comparti

Despues di a tuma nota di publicacion cu lo tin cargo extra riba e mandatario, abogado Mr.Marije Vaders
a reacciona cu esaki no ta cuadra cu berdad. E asunto di traficacion di hende, refiriendo na e Señora cu lo
a ser haya na e cas, no ta nada nobo. Enberdad a haya un Señora na e cas di e famia, pero no tawata
ilegal.

E cuestion di mensen smokkel aki, a ser trese dilanti caba pa Ministerio publico for di 28 di Maart fecha
cu nan a hasi inval riba cas di e Mandatario. Vocero di Ministerio Publico mes a confirmá esaki tambe, cu
ta trata di e Señora cu tawata na cas di e famia, cual ta cay bou di traficacion di hende. Alaves Abogado
Mr. Vaders a pidi tur hende pa tin poco pasenshi y laga investigacion sigi su curso. Pronto lo yama un
conferencia di prensa pa duna informacion di caso cu a causa hopi consternacion den e aña electoral aki.
Ta importante pa refuta e tipo di publicacionan aki, sin drenta of bay den mucho detayes di e caso mes
cual ta bou investigacion y no trese noticia cu lo por perhudica e ultimo aki. Te asina leu un comunicado