Page 4 - DIGICEL
P. 4
24 AWEMainta Diamars, 11 April 2017
En conexion cu dia mundial di actividad fisico
Hospital cu di 3 edicion di
HOH Fun&Fit Walk/Run 2017
DIARANSON atardi un total di 350 empleado y interesado a
participa den e “HOH Fun&Fit Walk/Run 2017”. E iniciativa pa
tene e di tres edicion di e caminata aki a bin dor di colega Nataly
Montañes cu ta un colega di Hospital cu den su tempo liber tambe
ta gusta e deporta di core. Nataly a acerca Charlaine Alexander-
Huntington, vocero di Hospital, cu e idea y asina hunto e trayecto
pa organisa un atardi asina exitoso a ranca sali.
Segun Alexander- Huntington Hospital tin 3 aña organisando e
“HOH Fun&Fit Walk/Run 2017”. El a cuminsa 3 aña pasa cu un
total di 185 participante, aña pasa tabatin 300 participante y e biaha
aki tabatin un caminata sold out cu un total di 350 participante.
“Mi ta kere nos por a yega na mas pero lamentablemente no tabatin
mas T-shirt. Den e forma aki Hospital tambe ta contribui na promove
un bida mas saludabel y sigur den cuadro di dia mundial di actividad
fisico a dicidi di tene e caminata aki”, el a remarca.
E aña aki a cambia e ruta. E caminata anteriormente tabata cum-
insa na Fisherman’s Hut bay direccion Malmok y termina back na
Fisherman’s Hut pero e biaha aki a dicidi di cuminsa e caminata na
Cas, pues Hospital mes te na Divi Phoenix y termina e atardi bunita
aki na Hospital bek.
Auke e tabata un Fun Walk/Run keir menciona cu e dos personanan
cu a yega prome tabata empleadonan di hospital den persona di
Maaike Abbring di Snijdend 2 y Efrem Shiferaw di Operatiekamer.
Na di dos luga a keda Annemarie Beerepoot di Cliniclowns y Jurick
Maduro di Aruba Malmok Runners.
A parti varios doorprize danki na Hilton Aruba Resort & Casino, Ritz
Carlton Aruba, Digicel, Divi Phoenix Resort, Aruba Vision Centery
de Palmtours. Sponsor cu a haci e atardi aki posibel tambe tabata
Access Control Security Systems, Aljazar Trading NV, Printmedia
Aruba.
No por keda sin gradici Hunta di Directiva di hospital cu a kere den
e proyecto aki manera a bati na nan porta.
Pa culmina nos kier a gradici e team di boluntario di Hospital mes
cu sin nan e caminata no por tabata un exito rotundo. Tambe e team
di First Response cu tabata presente y tabata cla pa duna asistencia
por si acaso algo sosode na caminda. No por keda sin menciona sr.
Eric Gomes di Ibisa y tambe e team di Polis cu a yuda durante e
caminata.
