Page 41 - AHATA

Pero e dudanan aki a ser crea pa Gobierno mes, pasobra un dia ta bisa esaki y e otro dia e
opinion a cambia, dor di crea impresionnan falso.

Bin cu un up-grader ta un idea genial, pero e situacion na Venezuela ta haci’e dificil.
Awor tog Gobierno kier sigui pa bin cu e up-grader. Aruba tin su unico experto den
persona di Alvin Koolman.

Un biaha mas Minister Glenbert Croes a ripiti palabranan cu su tata difunto a declara, cu
si tin 1% di posibilidad pa habri e refineria, mester explora esaki.

Pero den mesun Gobierno aki, tin diferencia di opinion. Gobierno ta bisa cu reapertura di
e refineria ta un prioridad di Gobierno. Mientras di otro banda IOWUA ta constata cu
Marisol Lopez Tromp a bin recientemente un declaracion demostrando cu e no a cambia
di opinion cu Aruba mester sigui sin un refineria.

Minister Otmar Oduber tambe ta contra di refineria, ya e kier ehecuta su proyectonan
hotelero na San Nicolas.

For di 2012, tin comerciante cu tambe no ta kere mas den e refineria. Pesey ta keda na
Gobierno pa aclarea su posicion. Bo kier e refineria of no.

Di acuerdo cu Boy Anthony di IOWUA, nan si ta kere den un unpgrader y a splica cu
tanten cu no tin solucion pa upgrader mester traha y percura p’e trahadornan keda cu
trabou.

E di dos opcion ta cu tin un terminal, cu ta atende e productonan petrolero pa Aruba,
maske esaki no ta gana placa.

Ora cu e situacion cambia na Venezuela, sigur Aruba tambe lo drecha. Y si keda cu
ehecucion di e up-grader, hopi hende lo beneficia. Un cantidad di hende por bin traha den
e refineria si esaki keda cla den transshipment y refineria. Salarionan y condicion den e
refineria ta hopi bon, segun Boy Anthony.