Page 59 - AHATA

Señora Gomez-Pieters a indica cu tin un confusion den sentido cu tin personanan cu ta
bisa cu e valor di nan propiedad a cambia. El a declara cu un valor di propiedad por
worde ahusta segun e Ley di Grondbelasting un bez den cada cinco aña.

Belasting ta den e termino awor di aña 2017 pa 2021, y esaki ta e termino di cinco aña
y no tin ahuste cu a tuma lugar pa valor di propiedad.

Si ta un propiedad cumpra recientemente via notario, SIA ta haya e acta di notario y

logicamente ta haya sa e valor di e propiedad y nan ta calcula e impuesto.

Señora Gomez-Pieters a acentua cu eigenlijk den un periodo di diez aña no tabata tin
ahusta den valor di propiedad inmovil.

Mayoria di e propiedadnan comercial, segun cifranan ta mustra, si a conoce un aumento
di grondbelasting. Ta trata aki di 1.800 contribuyente en total, y tambe tin esnan no
residente na Aruba, cu tin condominium of cas riba nos Isla, cu tambe a conoce un

aumento. E cantidad ta 1.838 cliente cu ta bay paga mas grondbelasting cu e
residentenan cu ta biba y traha na Aruba. Director di SIA a señala cu ta importante pa
menciona cu entrante 1 Januari 2019, tambe a worde introduci un obligacion pa
entrega un declaracion.

Esaki ta nifica cu prome cu e cambio di ley a tuma lugar, encuanto e reforma fiscal, un
persona cu por a cumpra un propiedad y a traha un cas riba dje, of a haci cambio den
su cas no tabata tin obligacion di bin registra e cambionan of ahustenan cu el a haci na

su propiedad, na Servicio di impuesto, pero awor si e tin cu registra esaki.

El a splica cu esaki ta hopi importante pasobra esnan cu nunca a haya um cobranza di
grondbelasting tin di nan cu a presenta loke nan ta aplaudi pa nan responsabilidad cu

impuesto, pero nan tin mas di diez aña cu ta biba den e cas sin cu a paga belasting.
Hopi ta bisa cu nan no tabata sa cu nan mester a meld.

BO POR HAYA UN MULTA:

Awor e obligacion ta cu e persona nunca antes a haya un cobranza di grondbelasting of
a renoba su cushina, su propiedad, a traha dak nobo pa garage, a traha un appartment