Page 79 - AHATA

Ora haci consumidor e pregunta cu ta cay bou di situacion actual, e ta pensa cu situacion
financiero di Gobierno a subi p’e prome kwartaal di 2019 compara cu e ultimo kwartaal
di 2018, respectivamente di un rating di 93,3 pa 96,7.

Tambe ta haci e consumidor pregunta riba su expectativa y ta dun’e e oportunidad pa rate
algun componente den e categoria aki.

Aki mester nota cu e consumidor su expecativa riba e posicion financiero di Gobierno a
mehora. Por nota cu pa kwartaal 4 di 2018 e consumidor su expectativa tabata 97,0 y p’e
prome kwartaal di 2019 esaki a subi na 99,0.

E ultimo parti aki riba su mes ta un bon noticia pa Gobierno di Aruba, segun
Parlamentario Setty Christiaans-Yarzagaray.

Como Parlamentario cu ta sigui desaroyo en general di cerca y ta sigui tambe Gobierno
su maneho, por bisa cu pa loke ta trata e parti financiero ta bayendo den bon direccion.
Consumidor mes ta duna un rating n’esaki y e encuesta di Banco Central aki ta un prueba
cu e sintoma cu ta wordo sinti cu situacion fananciero di Gobierno ta bayendo den mihor
direccion.

“Pa mi como Parlamentario e informacion aki ta hopi importante mirando cu no
solamente nos como Parlamento, sino consumidor tambe tin e sentimento y un bon
perspectiva cu Gobierno actual ta tumando su responsabilidad na serio y ta haciendo su
esfuerso pa drecha situacion financiero cu el a hay’e cu n’e”, Parlamentario Setty
Christiaans-Yarzagaray a duna di conoce.