Page 31 - AVP

Corsou cu ta den un distancia mas leu di costa di Venezuela cu esun di Aruba, ta conclui
cu na Aruba tambe nan lo ta drenta y for di e ultimo detencion a saca afo cu a descubri
bala cayente den nan posecion.

Robert Candelaria su preocupacion mas grandi, caminda su persona actualmente den
Parlamento den representacion di pueblo, no ta su intencion di para na canto, zundra y
grita den direccion di Minister/Gobierno como cu esey no ta na bienestar di e pais.

Pa score algun punto politico cu e tema aki lo ta mas bien infantil y no lo yuda Aruba cu
nada. Ta na su lugar pa para keto y realisa cu nos ta den un situacion di crisis.

A menciona e intervencion militar tambe como topico, caminda for di comienso y na
varios ocasion a vocifera cu su persona ta pro yudansa di mas instancia posibel pa duna
un man pa cuida frontera.

Cu si acaso lo mester intervencion di Kustwacht, Douana, Militar, hunto cu Polis e ta di
acuerdo pa haci’e, pero esaki lo mester ta haci CORECTAMENTE!

Den su splicacion Robert Candelaria ta referi n’e yudansa p.e. di Militarnan, cu si acaso
nan lo kier duna un man, e ta mas cu bon bini, pero mas cu claro tin cu bisa kico ta spera
di dje, cua ta su autoridad cu e tin pa haci e funcion n’e momento ey y bou di ken su
responsabilidad.

Douana al igual tambe tin su “taak bescrijving” na unda e ta cay aden pa yuda cuida
frontera, aunke e no ta tumando lugar y n’esaki tin cu para keto, pasobra no tin cu inventa
e wiel, ta algo cu antes tabata tuma lugar sin problema alguno, cu Polis y Douana ta
forma team pa traha hunto.

Boarding Team sigur ta cay den mencion aki, caminda no tabata warda pa boto cu ilegal
yega costa, pero mas bien Polis y Douana hunto ta yega te n’e botonan aki, subi y haci
control y awe no ta mira dicon esaki no ta tumando lugar.

Para na banda critica ta facil, cual no ta su intencion, contrario ta conseho y sugerencia
valido ta locual e ta bin dilanti cu ne, manera e.o. e Ley di LTU, caminda e Minister lo a