Page 61 - MIN VOS

Excelente prestacion di e gimnastanan di Aruba na e di shete
Copa William Miranda Marin na Puerto Rico

Tuesday, 29 November 2016 22:22
Comparti

Despues di a duna un tremendo presentacion luna pasa na e XII Copa Panama Classic, unda e
gimnastanan a logra conkista varios medaya

, a ricibi un otro invitacion pa competi na Puerto Rico. Esaki na unda e competencia tabata mas fuerte cu
gymnastanan di Puerto Rico, Merca, Canada y Aruba.

E prome ganadornan di e Copa William Miranda Marin na Caguas Puerto Rico ta coresponde na e
gimnastanan di nivel 6 di Club Gymnastico Arubano Avanse (CGA Avanse), Rebecca Spellen y Kim de
Vries. E gimnasta di Aruba tabata e promernan, hunto cu demas gimnasta di nivel 6 te cu 8 y elite pa
experencia y comparti e escenario cu e selecion nacional hubenil y adulto (senior) di Puerto Rico.

E promer medayanan di e competencia internacional a bai pa Rebecca Spellen (17 aña) kende a gana oro
pa e elemento “floor”. Rebecca a gana un medaya di brons tambe pa salto. Kim de Vries (12 aña) a gana
un medaya di oro pa elemento “floor”, plata pa elemento barra di equilibrio y brons pa salto. E
resultadonan aki a hasi cu e gimnasta Kim de Vries a bira e ganadora absoluto den puntuacion total “All
Around” y a trece un medaya di oro pa Aruba.

Na e evento aki, e mihor gimnastanan di e clubnan di Puerto Rico a participa, incluyendo e selecion
nacional hubenil y adulto di Puerto Rico. E presencia di e selecion nacional di Puerto Rico riba e mesun
escenario cu e gimnastanan di Aruba y e paisnan participando ta un simbolo di inspiracion pa nos
gimnastanan Arubano cu ta buscando di subi nan nivel pa nan proximo competencianan.

Riba diadomingo e gimnastanan infantil y hubenil a duna nan presentacion den competencia di nivel 2,
3, 4 y 5. E gimnastanan cu a participa ta Zara Clark, Kaika Every, Milaini Gross, Dayna Nedd, Anna
Boverhoff, Junaidy Odor, Sanne van Dam, Amika Every, Jesmae Jansen y Ashley Provence. E mihor
resultadonan ta oro “All Around” pa Zara Clark (nivel 2). Zara a gana un medaya di oro pa salto, plata pa
barra asymetrico y brons pa piso. Kaika Every (nivel 2) a gana medaya di plata “All Around”, oro pa biga
y plata pa barra asymetrico y salto. Dayna Nedd (nivel 2) a gana un medaya di oro pa piso. Milaini Gross
(nivel 2) su miho prestacion tabata e ehercisio di floor pa cual e la keda na di cinco lugar. Junaidy Odor
(nivel 3) a gana dos medaya di plata, uno pa piso y e otro pa barra asymetrico. Anna Boverhoff (nivel 3) a
termina na di shete lugar den salto. Sanne van Dam (nivel 4) a gana oro pa e elemento di salto y brons pa
barra asymetrico. Den nivel 5, Ashley Provence a gana un medaya di oro pa salto. Amika Every a gana un
medaya di plata pa salto y dos medaya di brons pa barra asymetrico y piso. Jesmea Jansen a keda na