Page 18 - FDLP

ORANJESTAD (AAN) -Diasabra 24 di November Shanayah Howell y Freddy Flanders
a competi den e ultimo careda di UCI BMX Centro Americano pa e aña aki . Shanayah

Howell a sa di gana tur su caredanan y no solamente ta gana e competencia pero ta
titula su mes tambe como Campeon Centro Americano 2018 den categoría Elite (Pro).

Cu e logro aki Shanayah ta sigura su posición tambe pa e weganan di Pan Americano
2019 cu lo tuma lugar na Lima Peru. Freddy Flanders tambe a debuta hopi bon mes y

ta termina den e careda ariba menciona na di tres lugar.

Asina Freddy orguyosamente ta comparti e podium cu otro atletanan profesional di otro

pais. Sigur e entrenador Venezolano Sr. Pedro Estaba ta hasi un tremendo trabou cu e
atletanan aki. Mester menciona si cu apesar cu e atletanan Arubiano di e deporte BMX
no tin un pista adecua pa train, mucho menos un pista riba nivel profesional
of Internacional.

Ta urgi gobierno pa yuda e deporte aki mas lihe cu ta posibel. COA y AWB mester
porta super orguyoso di e dos atletanan aki. Un pabien na Freddy Flanders y muy
especialmente Shanayah Howell cu ta logra un tremendo titulo pa su mes y su pais

Aruba cual ta Campeon Centro Americano 2018.

https://www.diario.aw/2018/11/shanayah-howell-a-titula-campeon-centro-
americano-2018/