Page 7 - WEB

Produccion y distribucion di awa di Web

Aruba certifica iso 9001:2015

Posted on 04/25/2019 6:50 pm AST | Updated on 04/25/2019 6:50 pm AST

ORANJESTAD – Dia 10 di april ultimo WEB Aruba a ricibi reconocimento di
certification ISO 9001:2015. Asina e compania di utilidad a informa pa medio di un
comunicado. ISO ta un standard mundialmente reconoci pa calidad di sistemanan di
maneho. Organisacionnan mester demostra cu nan por cumpli cu tur rekisito pa logra e
certificacion aki. Cu exito WEB a demostra di a cumpli cu e standardnan internacional,
desde produccion te cu distribucion di awa. E certificacion aki ta nifica cu e cliente por
ta sigura cu e calidad di awa di bebe ta cumpli cu normanan internacional y cu henter e
proceso desde produccion te cu distribucion y servicio di cliente ta continuamente
monitoria. E certificado ta valido pa 3 aña. Durante e tempo aki lo ehecuta varios test
incluyendo un audit pa analisa y actua riba puntonan di optimalisacion. WEB ta percura
pa e awa di bebe yega na e cliente cu un calidad segun standardnan di ISO y WHO. E
consumidor di su banda mester percura pa su tuberia ta den continuo bon condicion pa
salvaguardia un calidad di awa halto.

Gerencia di WEB ta orguyoso di su teamnan di produccion y di distribucion di awa y ta
gradici nan pa nan esfuerso diario pa mantene e certificacion di ISO9001:2015.

https://www.noticiacla.com/news/15698