Page 14 - MIN.RICHARD ARENDS FLIP

den e tienda, pero kico Gobierno por facilita pa por promove actividadnan
economico. Caya grandi ta un ehempel, pero den resto di nos isla. Awor aki mes
ta bezig cu formalisacion di e zona special na San Nicolas. Na 2013 a anuncia

den un begunstiging Beleid, un regimen fiscal hopi atractivo pa establecimento
di companianan na San Nicolas. Semper tabata e idea pa una bes cu e modelo

keda cla, cu por aplik’e tambe na Playa. Con cu bay bin, Playa tin un accento
hopi mas grandi riba comercio, nos ta bibando den un economia hopi habri y

oportunidadnan tin hopi na Aruba.
E minister mes ta bay regularmente den caya y ta shop y ta yega te cierto

punto di caya grandi y despues ta bay bek. Esey ta algo cu ta investigando con
pa haci un experiencia. Caya grandi mester ta un experiencia manera e tabata
antes, unda cu su mesun famia tabata e famia cu tabata biba den e casnan den

e parti ariba, caminda cu nan tabata tin nan negoshi abao. Oranan pa tiendanan
habri ta habri, cu ta vigente desde tempo di minister Hooyboer-Winklaar, pa

flexibilisa oranan di apertura di caya grandi.
Si mira bon ta un of dos tienda so ta haci uzo di e apertura. Esey tambe tabata

su puntonan di discusion cu a trece dilanti cu e representantenan di comercio cu
por ta mester bay wak tambe den ki manera mester bay reinventa e manera di

haci negoshi na Aruba y esey mester ta den un dialogo constructivo entre sector
comercial y tambe Gobierno.
E minister a sigui splica cu e issue di mas grandi cu tin den caya grandi ta cu tin

un split entre esun cu ta opera e tienda y e doño di e edificio. Cualkier incentivo
fiscal cu lo por duna, e ta bay pa e doño di e edificio y kier yega na un

combinacion cu e doño di edificio tin e incentivo pa remodela, pero esun cu ta
core cu e gastonan diario di e tienda tambe por haci uzo di e beneficionan.

Esey ta un formula un tiki diferente cu na San Nicolas, pero siguramente ta
evaluando kico ta e miho balansa cu por trece pa por haci e experiencia den

caya grandi un tiki mas miho, e minister a splica.