Page 41 - AHATA
P. 41
un protocol pa haci palabracionnan di e normanan nobo, ariba cual tin un acuerdo di
principio logra na mei 2018. A base di acuerdo di principio otro aña mester zorg pa e
deficit no ta mas cu 25 miyon florin, e aña despues 0 deficit y e siguiente aña 2021 e
mester ta un surplus di 50 miyon florin. Esey ta e acuerdo di principio. Esey ta basa ariba
nos propio modelo, e FEM (Financieel Economisch Memorandum) cual ta cumpliendo
cun’e. Y ta esey tambe a entrega e presupuesto na parlamento. A logra yega na e deficit
ey, manera palabra. Pa loke 2018 a entrega e presupuesto supletorio 2018 tambe, pa
wordo trata den parlamento. E deficit a keda e mesun suma cu e tabata ta originalmente,
cual tabata un deficit di 147 florin. Berdad ta cu tin cierto cambionan interno, unda cu
gobienro mester a paga 5 miyon florin na Sache, cu tabata e garantianan di hotelnan
tempo di gobierno di Henny Eman, despues a resulta cu e hotelnan no a bin. For di 1988
ta pagando e garantianan aki, y a caba di paga esaki e aña aki, pero cu’n boet adicional di
5 miyon. E tipo di cambionan aki ta haya den e presupuesto supletorio, pero na final e
saldo a keda mescos. Y esey ta un logro grandi.
Aruba ta cumpliendo y Prome Minister ta spera cu CAFT tambe cumpli cu nan parti.
https://masnoticia.com/gobierno-di-aruba-si-ta-cumpliendo-cu-exigencianan-
di-caft/
