Page 38 - KPA_Neat

Accidente na e crusada di Cafe 080

Sunday, 14 May 2017 10:12
Comparti

Den careda di 6’or y 15 di mainta, riba dia di mama, a sosde un accidente na e crusada di Cafe 080 na Noord. Na
yegada di patruya di Noord, a bin topa cu un Mazda 323 Stationwagon, color shinishi, numera A-11628, para riba
acera y cu sla na e banda di chauffuer.
Mas dilanti di Giselle department Store, un Daihatsu Terios color blanco, numera A-52686, para mey mey di
caminda, cu su wiel banda di chauffeur full kibra. Ora polis a bay check kico lo por a sosode. A bin topa cu un dama
ta kehando di dolor patras sinta den e Terios. Mesora a manda pidi pa un ambulance pa asina duna e dama
asistencia medico. Polis a bay check y e manehador di e Mazda ta conta polis cu e ta bayendo su cas direccion nort y
na un dado momento e Daihatsu Terios lo a hala full den su banda contrario y ta dal den e Mazda. E Mazda a bay
para te riba e acera. Polis a a bay check e papelnan di ambos auto. Akinan a bin sali na cla cu e chauffeur di e Terios,
no tabata tin rijbewijs y riba dje tabata bao di influencia di alcohol. Mesora a bay over na detene e homber aki y a
manda pidi dogcatcher pa asina transporta e homber aki pa warda di Shaba. Takelwagen a presenta pa asina kita e
auto for di riba caminda.