Page 32 - MIN SOC

Sr. Dirks ta splica cu si leynan a wordo miho aplica, unda cu compania no ta
haya tanto tempo pa keda cera. Mester tin un manera cu si un compania ta bati
bancarota, esun cu tum’e over no ta hay’e cu’n peso grandi, manera den e caso

aki di Aura Casino.

E compania nobo cu a tuma Aura Casino over, no kier reconoce cu na 2013 a
pasa un ley cu ta tuma un compania cu tur su lusten en lasten. Esey ta haci cu

te cu awe ta den Corte, cu ta bringando pa derecho di trahado, cu no ta di
acuerdo cu nan ta haya 4 luna di salario pa tur e tempo cu nan a keda sin

trabao.

Despues di a papia cu hopi tempo cu Minister di Labor, a papia cu diferente

fraccionnan, tin intencion di parti gobierno pa bin cu un Gaming Board
Commission, pero tin resistencia di parti di dunadonan di trabao. Pero FTA ta

kere cu si a bin den forma tri- partite y a combersa ariba esaki. Kisas
Parlamento tin miho informacion, y departamento cu ta traha ley tin miho

informacion, awe lo ta mas leu cu e ley aki por a pasa. Sr. Dirks ta di opinion cu
ohala e ley aki por yega na e nivel cu ta desea pero maske cu ta laat, pero

nunca ta laat pa salba loke por salba.

Den mundo di Casino, mester tene cuenta cu tipo di negoshi aki, mescos tur

otro negoshi, cada sector di economia, mester evalua e bida di dje. Mescos cu
por evalua Comercio na Aruba, mester evalua mundo di Casino como parti

turistico di Aruba, pa dun’e bida y trece trabao. Y tambe pa e ta un producto
importante cu por wordo bendi na e turista cu ta bishita nos isla, segun Sr.

Hubert Dirks, presidente di Sindicato FTA.