Page 17 - HOH

participa den e ensayo. A aplica un porcion di un tipo di sunscreen na
boluntarionan, den un 75% di e superficie di nan curpa, cuater biaha pa dia y
durante cuater dia sigui. Esaki ta ekivalente na e double cantidad cu lo wordo
aplica bou di condicionnan normal.
Ademas, durante e cuater dianan cu e ensayo a dura y tres dia despues, a
realisa analisis di sanger den e participantenan.
Resultado di e analisisnan a revela cu a concentracion plasmatico di e
ingredienteann kimico di e cuater productonan studia a supera e nivelnan
estableci pa FDA (0,5 nanogram per mililiter, ng/mL) desde e prome dia di e
aplicacion di sunscreen.
E responsabelnan di e ensayo piloto a indica cu e hecho di cu a keda demostra
un absorbacion sistemico hopi mas halto di e nivelnan recomenda no ta nifica cu
e ingredientenan no ta safe of cu lo mester stop di uza sunscreen. Sin embargo,
e resultadonan aki ta trece hopi pregunta riba e beneficio di e productonan aki y
su risico pa salud.
Pa cu esaki a señala cu ta rekeri estudionan adicional pa determina e efectonan
di acumulacion di e ingredientenan activo den e bloedbaan y defini e dosis
optimo pa preveni cancer di cuero.
“Un pregunta urgente tin di haber cu e absorbacion riba cuero di baby y
muchanan, cu tin diferente areanan di superficie corporal” y “cu nan cuero por
absorbe sustancianan na nivelnan cu ta diferente”, expertonan a sigura.

https://masnoticia.com/sustancianan-kimico-di-sunscreen-ta-keda-den-bo-sanger/