Page 18 - VOS

o nan meta principal, esta educacion y mehoracion di calidad di futbol na Aruba.
ASA a manda un invitacion pa teamnan di futbol pa manda tres hoben futbolista
kende ainda no ta train cu ASA, pa e clinica aki. Un total di 60 hoben lo
participa.
E academia ta ofrece trainingnan na un nivel halto cu hopi atencion pa detaye,
principalmente tecnica di wega den tur su facetanan.
Aruba Bank como un di e sponsornan orguyoso di Aruba Soccer Academy a
celebra nan di prome aniversario hunto cu e hungadonan hoben, y dirigentenan,
cu un sorpresa. Ta un placer y honor pa ta un sponsor di e team dinamico di
ASA y brinda sosten na hobennan talentoso di Aruba cu tin e soño y
determinacion grandi, esta di hunga futbol na un nivel halto localmente, como
tambe riba veldnan den exterior.
Aruba Bank a brinda e hobennan cu ta train cu ASA un dushi treat den forma di
un bolo pa celebra e di prome aniversario di nan organisacion, y ta encurasha
tur mucha cu ta train cu ASA y lo cuminsa train cu ASA hopi exito,
perseverancia y bon energia pa sigui contribui na e Deporte Rey.