Page 52 - VOS

tin, y con e procedure cu e tin pa atende cu esakinan ta.
“Na momento cu bo no tin nada fiha riba papel y nos Parlamento di Aruba
tampoco a ricibi di bo como gobernante, ni un papel of un nota cu bo por bisa,
algun blachi cu ta splica por escrito kico ta bo maneho y kico ta bo pensamento,
con pa atende cu e cartera cu bo tin, kico ta bo prioridad, con bo ta bay
ehecute, kico ta e reglanan den bo departamento, no solamente ley pero
proceduranan, con pa anda cu peticionnan por ehempel si uno hopi importante,
si bo no tin esey fiha bo ta bay haya un free for all, cual na e momentonan aki
ta sosodiendo den varios cartera”, Marisol Lopez-Tromp a bisa.
Esnan cu no mester tin e poder pa atende cu e topiconan aki ta haya poder pa
atende esaki, nan ta tuma e poder pa hacie, y bo ta haya cu tin hasta
ambtenaar of departamentonan ta wordo hala un banda y decisionnan ta tuma
lugar sin cu el a cana e ruta of e procedura legal manera mester ta.
“Esaki ta hopi importante pasobra awendia nos ta wak cu ta wordo acusa na
diferente gobernante, y cu razon cu tin cierto conflicto den nan carteranan.
Conflicto entre ministernan tambe, pakico un ta bisa A e otro bin cu B, pakico
un a propaga A e otro a ehecuta C? Pasobra no tin coordinacion na prome lugar
y na di dos lugar, nos Minister Presidente cu mester atende of coregi esaki ta
mas ausente cu e ta presente. Cu esaki mi kiermen di cu ora cu tin topiconan
grandi den bo pais cu merece no solamente un splicacion di e minister concerni
pero di Minister President e no tey. No solamente fisicamente e no tey, pero e
no tey tampoco pa duna ningun splicacion pakico e asunto ta asina y kico e ta
bay haci cune pa remedi’e”, sra. Lopez Tromp a trece dilanti.
El a comenta tambe cu no tin nada di malo si bo coregi un eror na e momento
cu wordo haci of bo mehora y drecha un procedure, si bo sinta hunto cu bo
ministernan y bisa cu bo a yega na tal cambio.
“Es mas, den esey bo por mustra bo grandesa y esey ta algo cu pueblo merece.
Pero kico ta sosode? En realidad ta wordo haci como sifuera cu tur cos ta bon, y
e pueblo ta cana pidiendo pa claridad riba diferente procedurenan cu tin den
comunidad, es mas a yega di bay asina leu cu diferente minister ta trapa nos
propio leynan te cu nan ta wordo hiba Corte y nan ta perde nan caso como
Gobernante”, sra. Tromp a menciona.
Ministernan ta esnan cu mester cuida nos leynan pa wordo ehecuta como tal.