Page 3 - AWEMAINTA

AWEMainta Diahuebs, 16 Februari 2017 3

Extradiccion di Rietwijk,
Extradiccion di Rietwijk,

Koeiman y Felecia un hecho
Koeiman y Felecia un hecho

WILLEMSTAD - Ayera mèrdia, diárazon 15 di febrüari
2017, a extraditá Ramphis “Ronchi” Rietwijk (1965), Rogelio
“Greg” Koeiman (1968) y Gilbertico “Kalala” Felesia (1978) pa
Estádos Unídos.
Nan a bandoná Còrsou (Felecia y Rietwijk) y Sint Maarten (Koei-
man) riba un buelo special di autoridadnan hudicial Mericano.

E extradiccion di Koeiman, Rietwijk y Felesia conocé un historial
largo. E proceso a keda iniciá na 2013 na momentu cu Estádos
Unídos a pidi detencion y extradiccion di tur tres persona rela-
cioná cu traficacion di droga.
Autoridadnan hudicial di Estádos Unídos ta acusá e trio di
traficashon di por lo ménos 2 cargamento for di Philipsburg (St.
Maarten) pa Estádos Unídos.

Den luna di jüli 2013 US District Court for the Southern District
of New York a ordená nan detencion.
E proceso di extradiccion a conocé un caminda hopi largo. For di
2013 te dia di awe. Entre otro durante henter e proceso tabatin
diferente caso den Corte via Hof y via huicio sumario penal y
civil pa trata na para e proceso. Tur a resultá envano.

Durante e periodo aki a trata e extradiccion hasta na dos oca-
sion den Corte Supremo (Hoge Raad) di Reino Hulandes na
Den Haag, e órgano cu ultimo palabra riba tereno di ley penal
y mas halto den Reino.
Promé esey a sosedé riba peticion di abogado y despues riba
peticion di Ministerio Público (OM).
Dia 15 di novèmber 2016 Hoge Raad a dicidí definitivamente
cu e extradiccion ta hustificá y aceptabel.

Finalmente, dia 16 di janüari 2017 Gobernador di Còrsou y
Gobernador di Sint Maarten a tuma e decision definitivo pa
extradiccion.