Page 22 - MIN JUS

no ta hayando e atencion medico adecua. E ta haya verband y medicamento pa atende
su herida pero e mester di atencion di un specialist.

SENTENCIA:

Hues despues di a scucha defensa di abogadonan a pospone e caso un rato pa e bay
pensa y a dicta sentencia di biaha. E ta haya cu L.C. y A.M. ta culpable di a transporta
80 kilo di marihuana.

Hues a mustra cu L.C. mes a bisa cu el a haya placa pa parti cu A.M. y nan tabata sa di
e droga. Hues a sigui bisa cu e no ta kere cu L.C. ta bay gaña riba A.M.

Na opinion di Hues, no ta importante kende ta e capitan. El a mustra cu droga ta malo
pa salud di hende y ta fomenta criminalidad serca adictonan.

Castigo: Hues a condena L.C. y A.M. na 4 aña di prison, kitando e tempo cu nan ta sera
den KIA. El a duna orden pa destrui e droga y e boto ta keda confisca.

Tres declara liber: Pa loke ta e tres otronan J.V., R.P., J.M., Hues no ta haya cu nan
tabata envolvi den e transporte di droga. Nan tabata ilegal cu kier a bin traha na Aruba.

Na opinion di Hues, si nan tabata abordo cu tin droga no por bisa cu nan tabata
transporta. Nan tabata pasahero y no por bisa tampoco cu nan tabatin droga den nan
poder. Hues a sigui bisa cu algun a yuda benta droga for di boto, esaki tabata un acto
asina cortico cu no por cualifica esaki di traficacion. E tresnan a worde declara liber.

Por a mira expresion di alegria riba cara di e tres ilegalnan. Abogado a splica nan cu
nan lo worde pasa pa Guarda Nos Costa, caminda nan lo keda deteni te ora regla pa
nan bay back Venezuela.