Page 24 - AVP

Segun Hubert Dirksz, e ta algo lamentable pasobra e tabata un bon opcion. Ta busca un
operador nobo. FTA sa cu e trabou ta duro, pero tur cos mester pasa via RdA prome.
Kizas RdA no t’asina fuerte pa carga e responsabilidad, pero e no por bay den otro forma
segun Hubert Dirksz di FTA.

Si por logra esaki den forma mas corto posibel no kiermen cu e ta keda cla rapidamente.
Un garantia cu trahadornan ta keda na trabou ta loke FTA kier. Esey ta hopi importante
p’e sindicato.

Pa FTA ta importante pa nan haya informacion for di RdA. Informacion no ta sali sin
mas for di RdA pa evita speculacion. E situacion mester wordo haci den forma serio.

E trahadornan cu ta trahando den refineria mester tin garantia. Nan a sinti cu Gobierno
kier mantene e refineria habri. FTA ta desea esaki tambe. E refineria su aporte ta mas
grandi cu cualkier otro negoshi pa pais Aruba.

FTA ta pone di tal forma cu ningun hende ta bay cas. E cantidad di hende trahando ta
hopi limita. Nan ta spera cu diferente cos wordo regla pronto. A tende cu placa pa paga
trahador ta cabando.

E no ta algo facil y mester mira kico t’e manera cu lo cubri e gastonan aki. Lo tin reto cu
mester haci diferente cos. Ora di negociacion tin retonan grandi….